तिमीलाई देखेर आज रोदन मुस्कुराएको छ

दशैँ सँगै आँखामा आँसु पनि आएको छ।

छोराले पुरानो लुगा बा लाई पठाएको छ।

स्वाद पाएको छैन आजसम्म त के भयो,

एउटा तराजुले मासु जोख्न त पाएको छ।

तिमी चिसा आँखा सुकाउन किन सक्दैनौ,

एक डोरीले यहाँ चिसो लुगा सुकाएको छ

कमसेकम तिमी आएर आगो सल्काइदेउ,

मलाई यो जिन्दगीले अगेनो बनाएको छ।

अहो मेरै पसलमा सिन्दुर किन्न आइपुग्यौ,

तिमीलाई देखेर आज रोदन मुस्कुराएको छ।